Iluntzea da

Eta noaski ez litzateke

Horrela izanen

Zure begiak nireetan etzanda baleude

Agian ez nintzateke

Zazpi metro karratuotan herrari ibiliko

Eta nik paretan egin seinaleak

Ez lirateke etorriko direnentzat geratuko

Uhalde osteko hondarrak bailiren

Guda ondoko gezi hautsiak legez

Ez nintzateke noaski

Haur baten gisa ibiliko

Hormatzar gainera igo nahian

Zure begirada uki ahal baneza

Goait naukazu

Eta zure amodio goroldiotua gordetzen dut

Ene barne gogaieran

Herrialde zahar bat bezala