Zure hutsunearen gesalak

Ene begi herdoilduak

Ihinztatzen ditu

Gauaren leize ilunetik

Itzultzen naizenean

Goizaren gazuretan bustirik

Irudikatzen ditut zure ezpain hezeak

Maskor galduetan da ene bihotza

Eta iluntze urdinetan

Ezkutatzen dira

Erlieberik gabeko lorratz biluziak

Eta ametsen

Xendra gordeetatik ortozik datoz

Olatuak nire hondartzarantz

Baina zu

Inoiz heltzen ez den olatu hori zara