Umezurtz daude ene eskuak

Maiatz hautsi honetan

Eta oldozpenak lanbro urdinetan

Etorkizunaren magalaren bila

Hondora doazen baporetzarrak dira

Zure titiburuak ahoratu nitueneko oroiak

Klandestinoki ostentzen ditut

Gogoaren soto gordeetan

Eta gauaren ertzetik datorren eguantzak

Ez dakar inor

Ezta zure gutun bakar bat bera ere

Eta gela huts bat sentitzen dut ene baitan