Bakarrik nago

Eta bakardadearen hezea dut eguneroko bezero

Nire oihuminak gaur

Ez dauka giza aurpegirik

Eta berandu da

Minbera dira ahapaldiok

Goiz dardarti honetan

Harresitzarrek zeruaren ahosabaia atzamarkatzen dute

Eta nonbaitetik datozen haur hotsek

Gizatiartzen dute nire nahi eta ezina

Denborak harria zizelkatzen duelarik

Ene ahots deserriratua mintzo da