OI ENE MAITE BEGI BERDEKO

                        Zure begiek

                        ene maitia

                        badute biek

                        dirdir eztia.

                        Zeru kolore

                        miresgarriak,

                        izarren pare

                        xoragarriak.

                                ( Daniel Landart )

Neke neke eginda

begiratu zaitut gaur

goizean

gau osoa

zutaz gogoetaka eman eta gero

ustekabez agur egin didazunean

pasabidean,

orduan

zure begi berde

ederrek

dardarazi naute,

eta joan zatzaizkidalarik

ostera ere

nigar eragin.