indarrik balitz

gutunak izkribatzeko edo soilik

trenak urruntzen direnean agurrak

banatzeko leiho ubeletarik

bagenuke zorionaren gostua ahosabaiean

lotzeko gutizia

zorionaren haizeak non dauden susmatu

gabean ere.

hiriez bakarrik dagigu amets

bizidunak argazkitan itxuratuz

hiriez bakarrik dagigu amets

haurra bigarren aldikoz munduratzeko ordua

etorri da

eta zeruko izarrek nolako sakontasuna

duten gauean miresten gabiltza.

konturatzen gara atzoko egunetan bezala

zaila dela urostasun horren

partekatzea

axolarik ez daukaten kideekin.

etorri da...

laino ilunen artetik ageri zen ilargia

gorriska

aturri gainean miratzen

mundua zartaturen zela ematen zuen

arrats uhargian

gorriska

mila pusketako beldurraren

ispiluetan disdirari

gorriska

hilgo ote gara?

odolak ixuri bide dira

neguaren ezpal hormatuak gozatuz

hilgo ote gara?

errauts mineral bihurtu garen

betikoak daukagu hatsa

gorriska

laino ilunen artetik ageri den ilargia

bezala hauts ontziak baino ez garelako

astuna geratzen da eritasun osteko sukarraren

moduan

hezurretan

begiradaren ortzaizean geldo

izan dea heriotz

gose

munduko lagun?

pentsatzeak jadanik

ainitz kostatzen duenean eritasun osteko hats

jasankaitz

bahitua

urturik doa

pena ttikien eremuetan

hain dorpea izan dea

heriotz

gose munduko lagun?

aztiak idatzi zidan

nunca volveras zioten beti abesti lehorrek

herriko irratietako frekuentzia modulatuez

aztiak idatzi zidan artean

eta nik,

seigarrenari bakardadearen izena erantsi

genion eta bazkide nagitsuek

onhartu zuten

bakardadearen izana gaitzetsiz halere

erran zuten:

ihardetsi genien segidan:

altxor estimatuaren erdiminak ote?

norekin mintzatuko gara orlegitasuna goizeko

hamarretan

aharrosika itseskatuko denean?

amnesiaren aurka borrokatu ondoan oroitzak

ahanztearen erregebideetan

galduko direnean?

iratzarraldi bakoitzean usteko dukegu

elasturiaren haria hautsezina dela

edo desertuetako areekin bihurtuak garela.

maite ditugunak/maite gaituztenak? baino ez

esperatuz

musika airosek soleitzen dituzten plaza

borobiletan...

dena egia izan da bizitzaren orenean

zinezkoa guzia

senditua haragiaren ikara

herabearen haritik

dena egia izan da irria baratzeetan

euria ahurretan eta amodiozko solasa

geltokian

egia izan da gero bizitzaren orenean

negar gogoa arrastirian

haserrezko hitzen errondan

dena egia izan da bizitzaren orenean

oraingoan egia bera pairatzen baitoa

hizkuntzak aldatuko zaizkigunean bihar

edo etzi iluminatuan

ez dugu jakingo nola diren ahozkatzen

aditzak eta indar gehiago beharko dugu

kristalak eztitzearren

gauezko eskoletan sartuko gara

dislexiak zuzentzeko bezainbat

zorionaren deklinabide berriak

ikasteko

ikasteko

hizkuntzak aldatuko zaizkigunean bihar

edo etzi iluminatuan ortzeak gris nahi

harrapatu haunat donapaleuko argi zurpailen

itzalean osoki edana

jautzika

atzoaren memoriaz hanturik

toka... noka... hika... ika... jautzika(***upa)

ilunaren sarraskiari

zintzurrak larrutzen

harrapatu haunat donapaleuko argi zurpailen

maldan agian agian jeikiko direla sinesten.

eta gustatzen zaigu haranetarik altxatzen diren

laino arinek zein errez beztitzen

dituzten xurxuriak ikustea.

eta gustatzen zaigu ortzi grisetarik eurialdia

lantegi desertatuen herdoilaren joanean

nola den jostatzen entzutea.

eta gustatzen zaigu gaueko atari segretuetarik

mendi elurtsuei so egotea hurbil litekeen

amore laztanenaren haiduru.

eta gustatzen zaigu malko zaharraren aintziran

bihar bahituaren hormatzearren menpeko

ahur zaurituak bustitzea.

eta gustatzen zaigu goiz nabarretako argizpiek

sortalde amoltsutik gazteluko harresiak

gorritzen dituztelarik esnatzea.

eta gustatzen zaigu erreka hertsia hain garden

hiri mutuan zehar ixurtzen delarik

belarminen hobiraino segitzea.

eta gustatzen zaigu ortzaizean ubelaren lerroa

behatz dudakorraz betirakoan marraztea

haritzak zenbatu aldikal.

eta gustatzen zaigu hereneguneko kide bakartia

arto landa berrietako hildotxorien antzera

arinaren leihorrean kurutzatzea.

..., ez dok hamairurik I.

edo bai. hamabigarrenaren pasartea duk

beraz:

dioat,

edo bai.

en direction de paris-austerlitz merde

latza

dioat,

edo bai.

buruz ikasia...»

dioat,

edo ez.

...,

zaplastatzen

askazoriz

bizitza!

ama 2. astia. DIOAT. badiaguk. hemen. STOP

reagge: ... ... ... ... that train i need you sto