tinkatzera urean bezala behatzetan

urtzera behin betiko ahurrean galtzera

izenik gabeko hitzak paperean lerrokatzeko

zeruaren apala

euriaren eroria irudikatzeko

nekadura erraldoiaren muga hedoitsuetan.

heldu beharko genuke enkre beltz berdinean

luma larrutuak bustitzera izenik gabeko

hitzek urean bezala ardiets dezaten areekin

higatuen leguna

itsasoaren balaka samurra

isiltasunaren garratza

jabegotik behin betiko urruntzearren.

izenik gabeko hitzekin hik eta nik lau min

zazpi eresi

hameka solas ezti dagoeneko hilotz bihotza

oraindik basamortuetan ibiltzen

harresi amoltsuetarik ortzaiza kolorezta

lezakeen argirik agertuko denez

galdezka

izenik gabeko hitzekin

enkre berdinaz idaztera heldu beharko

genikeen,