eurite xoil apainean

badinat hire beharra

ikaraz hustu zainean

izkriba zkin poesiak

neguko egun hotzetan

suntsi aldeko hesiak

suak erre bihotzetan

bedi denboren zauria

hitzen iturri bilaka

lur krudelen ihauria

dezagun susta milaka

ederrago brumen laino

arrats apal lasaietan

negarrez urtzea baino

urtxo sasoi pasaietan

mina eskutan kabitzen

kopla arinez hanturik

ez dinat beti aditzen

maitasunezko kanturik

nor du hitsak ilusiko

tristuren mundu eroan

laster gaitun ikusiko

supazter baten beroan