Hiriaren maindire loredunak

prostituta zaharren estalpe

bitxi faltsoen kabietan

lorategi urreztatuak erre

ibaiaren promesa dute zubiek igaro

etengabe ezin lokartu harresien jabe

eta bi dantzari isil

aintzinako saloietan

denbora herdoildu al den galde

eta hiriaren erritmoan

bi egun jaio

bi gau irentsi abaniko zulatuek

bi hortzetan eten

danbor ajatuek hotsegindako

hainbat isiltasun heze

hiri zatituaren orbaizeak

dendatzeko neskatxa ubelduak

itotakoen zokoan malko eske