Hiri ilunaren oroimena:

arratsaren ezpain gorrietan

harramaskaka

gizon galduaren pauso sekretuak

eta ez dago fluoreszenteen artean

bizitzeko astirik

ez bait dauka ibiltzea baizik

misterioan nabigatuz

hiria ere itsasoa bezain harro

taxien argi berdeak diztiran

begiak dira

uretan galduak dabiltzan itsasontziak

txalupa bakartiak

eta gizona

igerian ausartu den bakarra