Udaberriko oroitzapenak

Afaltzera etxeratzeko garaia iritsi denean,

            noraezean den udaberriko arratseko ilunantzean,

bildutako zalke sorta bat

            jaurti dut lurrera.

Penaturik, une batez hari begiratu

            eta ezer gertatu ez balitz bezala, txalo joka,

lasterka nator etxe aldera

            (Ilunabar hondarrean!).

Etxean sartu eta,

            familia giroan,

udazkeneko muino gaineko eguzkia dela, dela otorduaren lurruna

            lilura betean nago.

Antzinako jauregi aberats batean

quadrille, gonak kulunkan,

quadrille, gonak kulunkan,

egunen batean amaitu egingo da, quadrille!