Transfusioa

Nire odolaren ongarri da zure bizitza

eta biziki maite zaitut, biziki; ahal baneza, ene!,

zeru beltzen azpian, lehoi eme,

hortzez jango nizuke bihotza.

Zu ezagutu aurretik, ni, lapurraren tokian

eta orain zer naiz, preso koldarra.

Bai ederra nire udaberriaren indarra!

A zer distira nire koroarena zure bekokian!

Nirea den odolak zure begi-ninietan dagi su,

eta arratsaldero ezpainetan jartzen dizkizu

mahats gozoa eta ogi printza.

Eta bitartean; aire bako lore, harpeko korola,

zugan zukutzen naiz fruitu bat nola

eta zure esku artean ihes doakit bizitza.