Uztaileko bisita

1.

Pinuak krak lehertzen ditun

poliki poliki

1.

Iratzeen azalik euskorrena

kilker zeruari

orratzez itsatsirik.

2.

Zama bertikaleko itzalaren

ordu

etan

3.

algodoizko eguraldia hire begietara

egiten dun etzan

egiten dun piztu

5.

Gero irrifarre egingo dun, gero

sukar ttiki bat irristatu zitzainan

8.

soinean behera, laku bila ari bailitz bezala

edo olatuak bere harrokeriarekin topo egin behar bailuen

13.

eta hala ere pinuek krak

etengabe eta mantso

21.

eta iratzeak eguraldiari amore ematen zion

eta egiten dun

etzan

34.

egiten dun umildu.

w1992