Poesia kaiera
Nora?
(Rafael Castroren musika batentzat).
Artzai batentzat, artzai batentzat, anaia.
Artzai batentzat, artzai batentzat, anaia.
Kanta zagun orain artean
Nekez isildu deguna
Nolakoa den eguna
Kontaera bat
Zelaia eta
Oso leguna.
Hau da kontaera bat, zelaia eta leguna;
ez beza inork hemen ezer bila,
egia baizik;
Egia triste bat, egunero lur honetan ikusten dena.
Kanta zagun orain artean
Nekez isildu deguna
Nolakoa den eguna
Kontaera bat
Zelaia eta
Oso leguna.
Gure lur honetan, nora?
Gure lur honetan, nora?
Neska-mutil batzuk ziren. Biak oso gazteak edo
oso zaharrak, berdin du. Bion artean
ez zegoen sobera maitasunik, baina
ezkontzeko hitza emanda zeuden. Lur honetan
hain maiz gertatzen da, mutilak,
elizara bidea hartu gabe, hartu du
atzerrira bidea. Eta neska geratzen da
bakarrik.
Gure lur honetan, nora, nora?
Euskeraz nundik nora, nundik eta nora?
Kanta eta dantza negarrez
Herri honek diost eraz
Nola goazen osterantz
Nora goazen euskeraz.
Kanta eta dantza herriak
Ez du bizi nai euskeraz.
Gure lur honetan, nora, nora?
Atzerrietan harek ez baitu
Gordeko nire izenik
Nire maitea gabe ez dakit
Konsolatuko naizenik
Euzkadiatik inora ere
Ez doa bide zuzenik.
Nire maitea ederra da ta
Benetan maitagarria
Gure arteko amodioa
Beti izan da garbia
Baina hemengo gerizpe batek
Itzaldu zigun argia.
Kanta zagun orain artean
Nekez isildu deguna
Nola goazen osterantz
Nora goazen euskeraz.
Gure lur honetan, nora, nora?
Gure lur honetan, nora, nora?
Hemen ez da argirik.
Gertaera bat kontatu nahi genuen.
Baina
Orok dakizue
Nolakoa den
Gaurko eta hemengo aire hotza;
Orok dakizue, eta gu
isiltzen gara.
Artzai batentzat, artzai batentzat, artzai batentzat.
Artzai batentzat, artzai batentzat, artzai batentzat.
Anaia.
Aia.
A.
w 1967
Musika: Rafael Castro
