zenbat aldiz panazko galtza beltz batzuekin zenbat aldiz

                                                                             zigarro baten

ke urdinarekin jostatuaz

pentsatzen nora ihes egin zenbat gezur pilatu behar ote

                                                                                Kanadako

basoen usaina izateko

zenbat adiskideren adios serio ikusi behar ote dira Pariseko

snack barretan goizeko hiruretan

hemen bezala ginebra botila batekin iraultzaz

mintza ahal izateko

zenbat aldiz urano bezala jiratzen jiratzen eta

jiratzen gure mendien ingurutik

zenbat urte barru borrokatu behar ote da

anaia gazteak kartzelan eguzkitan oilarite berriaren zain

dauden bitartean

bilbaoko aireportuan Istanbuleko abioia irribarrez hartzeko

zenbat aldiz gure borroka konkretuaren

begietatik

etorkizuna ikusi nahiaz

paranoiaren itsasoko uhinak gure bila datozen egun horietan