ERDITU ZINEN (1987, 1990)

Ilbete eta izar zeruan

zapart egin da arratsa

sabelean tik-tak dantzan dabil

erlojuaren orratza

orduan zuk ausardia adorez

aitzinerako urratsa

sumatzen duzu zintzur xokoan

erregarri zaizun hatsa

Iragarri denbora beterik

ondu egin da mahatsa

sinestezina iduri baina

berez ireki morkotsa

bizi seinale bat indartsua

garrasia marru-hotsa

Amonak xuxurla dizu irriz:

Hemen dun gure bildotsa!!