zer duzu laztana

ez zintuen hunkitzen nire minak?

zartailuak iratzarri zizkidan

erraietatik ezinak

zer duzu maitea

ez zintuen sentiberatzen nire kantuak?

herrioldearen orroak

ukabiltzen zizkidan lantuak

zer duzu kuttuna

ez zintuen adoretzen nire garrak?

besaulkiak ipurterrea nola

hozpildu zidan antzigarrak

zer duzu mon amour

ez zaitu akitzen nire zamak?

zer duzu mi amor

ez zaitu zutuntzen nire zuztarrak?

zer duzu my love

ez nauzu maiteko beti?