Kea behelainopean bezala
Kea behelainopean bezala
1994, poesia
80 orrialde
84-86766-53-2
azala: J.M.W. Turner
Harkaitz Cano
1975, Lasarte
 
2023, poesia
2022, poesia
2018, nobela
2015, narrazioak
2011, nobela
2005, narrazioak
2001, poesia
1999, nobela
1996, nobela
 

 

Iratzargailua

 

Gaueko hiruterdietan geldir:ik darraite orratzek

maitasun-lapurren gura du haizeak

Badirudi hogeitalau orduz prestaturiko urkabeak

ez duela biktimarik topatu bezperaren xederan

Buelta eman diot erlojuari

zenbaezina trenbideen kronologia

zubi altxakorretan

oraindik geldirik darraite orratzek

baina badirudi hanka batetik harrapatu dutela norbait

zaude apur bat

azkenean garbi ikus dezaket nor den

hego bat bestea baino luzeagoa duelako

herrenka dabilen kaioa

 

Lauetan ikara bere ohizko ubideetara itzulirik

bihotz-lapurren gura du haizeak

Lauak eta hogei direnean denbora ileapaindegi bat da

eta orratzak izan daitezke adibidez

goroldioa amesten arriskutsuak insomnioarentzat

goizegi zorroztutako guraizeak

 

Zazpietan egunsentia gibelate itxiak dituen

erakusleihoa da ostera

Bihotz-papurren gura du haizeak

Umeak indioetara dabiltza jolas berriak entseiatuz

enparantza ertzeko lumekin