Merkantziazko furgoiak

Mesprezatzen dut norantza

lanbroak iruzur egin die iparrorratzei

baina ekarridazue argia furgoietan

makinista boxatuak dabiltzanean

ekarridazue argia kutxa bertikaletan

ez daitezela merkantzia bagoiak

egunak bezain hutsik abia lau zeruz seinalatu

burdinazko zubietarantz

ez ditzatela trenbideko marraza zorroztuetan

ezpainak odoltzeraino labandu

hausnar dezatela irribarretik zaurira dagoen

nahigabeko urratsaz

berunezko telefonoen zama imajinarioaz

abiatzeko gero emakume erdibituen geltokirantz

kearen beldurrez surat ihes