KALATXORIAREN AHOA

Arrainak dauzkat gorputzean

itsaso usaina

brankiak

kresala.

Sare batean harrapatu gintuzten

igerian gindoazela.

Arrainak dauzkat gorputzean

ilean

hanketan

bularretan.

Sare beretik askatu gintuzten,

baina elkarrekin bizi gara.

Ni haiekin.

Portura, kaira

joaten garenero,

kalatxoriren baten ahoan

sartzearekin amesten dugu.

Azken konbultsioekin

min eman

ahoan.

Hatsanka.

Ito.

Arrainekin bizi naiz;

kalatxoriaren urdaila

deitzen diogun

etxe honetan.