(OBRA HAU
MAILEGUAN
UTZIA IZAN DA)

Ez Vermeer argi-ehiztaria berdintzen duena.

Ez Velazquezek margotu

eta erregek diosal egin zion

Adrian Pulido almirantearen

erretratua bezain egiantzekoa.

Ez, Dorian Grayrena legez,

armairu barruan zahartzen dena.

Ez, Davidek bezala, esku eta oin handiegiak dituena.

Marmolezkoa, agian; biribilantza,

baina ez derrigorrez biluzia.

Eskultura bat, hari besarkatuta

negar egin dezakezuna.