Poesia kaiera
Poesia kaiera
May Ayim
itzulpena: Garazi Ugalde Pikabea
2020, poesia
64 orrialde
978-84-17051-55-6
May Ayim
1960-1996
 
 

 

soul sister

 

jada joana den

norbait

betiko

agurtzea

 

oroitzapen uneek eta oroimen hutsuneek

bizirik higikor

diraute

guretzat utziak

 

neure-neure dudan egia

pentsatu eta diot:

 

AUDRE LORDEk

bizi izan zuen

bizitza osasuntsu bat

lesbiana, beltz, erresistentziaz betea

gizarte eri batean

hilzoriko planeta batean

58 urte beteta hil zen

heriotza arrunt bat

diagnostikoz: minbizia

 

haren eraginak bizirik dirau

haren obretan

haren hitzen

eskarmentua daramagu

gure ikusmoldeetan

 

oroitzapenak

 

1984an emakume alemaniar beltzek

afro-aleman kontzeptua

sortu zuten AUDRE LORDErekin batera

gureak ez ziren

izendapen ugari baikenuen

gure buruari deitzeko moduko izenik

ez baikenuen ezagutzen

 

hor da arrazakeria

isilka eta jendaurrean irensten gaituen

eritasun baten aurpegi zurbila

 

gaur

 

deitoratzen dugu poeta beltz handi baten

ahizpa lagun eta burkide baten heriotza

 

haren eraginak bizirik dirau

haren obretan

haren hitzen

eskarmentua daramagu

gure ikusmoldeetan

 

1992, Bethi eta Jonathani