MEMORIA
Nire izena ahaztu nuen lehendabizi.
Eskuak zertarako nituen ahaztu nuen gero,
hitzak zertarako diren
minak zer esan nahi duen.
Nire izena ahaztu nuen lehendabizi.
Nigandik espero zituzten esperantza guztiak
ahantzi nituen gero,
zeini egin behar nion irribarre,
zeini eskua oratu.
Nire izena ahaztu nuenetik
beste ezertaz ez naiz oroitzen.
Ordutik aurrera sortzen dut.
© Leire Bilbao