Ur gailur baretan

animale ankerrak, mamuak.

Ekaitza itzelaren baitan

euri tantak, txikiak eta xumeak.

Bakardade muinora joan naiz

gizon eta emakumeengandik ihes eginez.

Ilargiaren itzal hotza

malkoen soingainez babesten dut.

Sorginaren ispiluan

nere musua dakusat,

ikaragarria,

itsustasunaren ezaguera dut.

Muinoa abandonatu,

bailararantz hurbildu,

bidearen nekeagatik

arin sentitzen dut gorputza.

Itsaso gardena maite dut,

itsaso gardena maite dut.