belarrietako tintilak eztiki laztantzen zizkidaten

            zizkiguten haurtzaroan

                    eta

              zizkigutenean

    ez genuen plazerra sentitzen

baina bai bizi gustora plazerra

            denboralditxo eterno huraxe.

  llo llo esaten zion poetak hilzorian zegoen umeari;

        maitasunezko ekintza izandakoa

      heriotz koloreztatu bait zen.

zer zekien lizardik heriotzaz

zer dakit ba nik heriotz beltz horretaz.

pausoak azeretan eta egutegi kosmikoetan

          urratsak heroismoaren aurretik

                gizakume bat kalean

                misterioa haren begien aterpean

                  eta hainbeste gera...

                    zenbat ate

                      zenbat

un amor declarado

  entre la respiración y el deseo

    arnasaren eta desioaren arteko

      amodio nabarmena

      itsasoan

              gure itsasoan

                  eta itsasoak

                  azala zimur.

lo maitea lo

  bizi barnea eta itxoin zan.

dar dar egiten dun

    ala kolpe bat haizeratzen;

    aspaldi suntsitutako irrifarraren zorra agian,

            gauean kandela xut argilaria

              eta maitalea alboan bero ase

                  obsesioaren zaztada ahantziz une batez.

          esnatu zain gaua

                  lo maitea.