GARAGARRAREN ORRI BERDEA

Ez dakit ilargi bako gaua den

edo zu, jada ez didazuna

hitz egiten ametsetan.

Ez dakit lanbroa den

edo zure irudia, apurka ahaztu

egiten zaidana.

Ur hotzen putzua,

urteokaz eroritako

euri guztiek sortua.

Zure esnearen titia kendu zidan

bidelapurrak

mendebaldea seinalatzen du.

Garagarraren orri berdea,

ez dakit zu zaren

edo faltan botatzen zintudan bitartean

irakurri dudan

balada errumaniar bat.