Ispilurik gabe dihardut nire aurpegiaren bila

Neguaren katilu hotzean

Kanpoan elur malutak etengabean pilatzen doaz

Ezpainik gabeko musuen antzera

Postalik gabe dator gaurko gaua

Helbiderik gabeko kartazal hutsa dirudi

Eta argia itzaltzen dudanean

Ene ziega gau bilakatzen da

Eta bizitza isiltzera doala dirudienean

Nire gorputzak ez du zurean gordelekurik bilatzen

Eta zure gorputzaren ausentzia besarkatzen dut