Bihar ere beste egun bat izanen da

Beste haurtzaro bat, beste helduaro bat

Bihar ere askatasuna poltsikoan gordetako

Orri tolestatua izanen da

Eta euriteek oroitzapenak basituko dizkigute

Malkoek denboraren izantza

Bihar ere nonbaiten beste sanjoan-lore bat lehertuko da

Gau-lore bat zure bihotzean

Etorkizuna zakarrontzira botatako orri zirriborratua izanen da

Bihar ere egunona sarraila hotsen ikara hotsa izanen da

Egunsentiak bere leihoak zabalduko ditu

Eta burdinak dituen goiza agertuko da

Bihar ere iragana helduko da

Eta handiagoa izanen da

Nire baitan hazten ari den leizea