Soneto profanatuak - III

Eldarniozko zaldiak zamalkatzen

oroimenean zabaldu zaurian.

Zainetan gora ezinaren zama;

arrain ustelduen hainbat ezkata darama

haizeak ume gorpuetako ezpain

ubeldu hotzetara.

Keinu estrainoak ditu moldatzen

arratsaren lepoak zerumugan:

kolore itsuak darizkio ortzeari

pizti ninien safarirako orduan

(ez dut gura ezein malko

ez bada ostadar jokoetarako

ez bada zaldi zurien zainetan

eldarnioren irria amesteko)