Biografia

      Erika Olaizola Eizmendi (1989, Azpeitia) Andoaingo Zine eta Bideo Eskolan Errealizazio ikasketak egin ondoren, Donostiako Arte Eszenikoen Eskolan ikasi zuen hiru urtez. Ordutik formatzen jarraitzen du.

      Kamikaz kolektiboaren sortzaileetako bat da; Euli-giro antzezlana, Zulo laburmetraia eta Käffka antzezlana sortu ditu kolektiboaren baitan.

      Artedrama, Le Petit Théâtre de Pain eta Dejabu Panpin Laborategia taldeekin Euskal Herrian zehar biran ibili zen Francoren bilobari gutuna antzezlanarekin. Bere lanik kuttunenetakoa, Xake Produkzioak-en Lur antzezlana da. Sarituak izan ziren Zu ta ni eta Eguzkilore pieza laburren sortzailea izan da. Zazpi urtez Azpeitiko Emakumeen Antzerki taldeko kide izan zen, hainbat antzerki obratan parte hartuz.

      Zinea ere egin du. Los tontos y los estúpidos Roberto Caston zuzendariarekin eta Oreina Koldo Almandozekin. Telebistan Goenkale seriean ere aritu da. Kartzela webseriean ere aktore lanak egin ditu.

      Hainbat urtez, Deban, gazteen nahiz helduen antzerki irakaslea ere bada.