Bila

Leire Arenas

      Nola da finean inporta duena, eta hori izan da momentuero nire motibazioa lanerako. Nola; justifikatu beharrik gabe, eta justifikazioarekin. Nola, juzgurik gabe. Nola, baliorik kendu gabe, irekita, konbertsatuz, posible eginez, lekua sortuz, eraldaketa etengabera bihurtuz. Ideietan eremu komunak deskubritzea eta badirela ohartzea izan da; ez naiz ni bakarrik, begira, a ze lasaitua. Jo, hori garrantzitsua da, ze nola naiz ni horrela bestela? Besteek edo denok, guk, egiten dugu. Eta egiten duguna egiten dugu.

      Nola horrek barnebiltzen du elkarrekin harremantzeko moduetan nola; nolak esan nahi du zer nahi dugun, nahi duguna nola egingo dugun. Nola egingo dugun maitatzeko, delegatu gabe, norberarengandik hasita. Nola horrek dena biltzen du, eta bilarazten gaitu geuregana eta, beraz, norbere proiektua sortu behar dugu.

      Bizitzako lekuetan paseatzeko, pausoa pausoarekin josi, atzekoz aurrera ibiltzeko. Eta norbera proiektu bada, proiektatzeko lekuetan, eta jendarteetan, zer proiektatu nola berrasmatu da gakoa.