Alde erantzira nabil
Alde erantzira nabil
2016, poesia
112 orrialde
978-84-92468-81-2
azala: Itziar Moreno Martinez
Ekhine Eizagirre
1984, Zarautz
 
 
Alde erantzira nabil
Ekhine Eizagirre, 2016

Intimitatea, desira, erotismoa, borroka, errepresioa, feminismoa, identitatea dira Ekhine Eizagirreren lehen poema liburuko gaiak. Gardentasun eta biluztasun distiragarri batez mintzo den ahots berria dator gure literaturara, bizi baldintza ezohiko batzuen kontakizuna aletzeaz batera kontzientzian asaldua sortuko diguna. “Hiru aro bereiziko dituzu” diosku idazleak: “lehenik, Euskal Herrian bizi nintzeneko garaia; bigarrenik, klandestinitatea; eta hirugarrenik, espetxealdia. Azken hamar urteetako oroitzapenek bizia gal ez dezaten, berreskuratu, elkarri josi eta atondutako hitzak”.

 

Egileak aurkezpen egunerako bidalitako grabazioa:

 

bideoak:
Eugeniren Txokoa (2022-03-11)
Don Inorrez (2016-04-04)
Don Inorrez (2016-04-04)
kritikak:
Erresistentzia-poesia, Javier Rojo, El Correo, 2016-04-16
«Hitzen soinuek markatzen dute poemen alderdi kontzeptualaren garapena, hitzetan agertzen diren hotsak antzekoak badira hitz horien bidez adierazten diren ideiek ere erlazioren bat izan behar baitute, izena eta izana elkartuz».
Plazera versus epikotasuna, Hasier Rekondo, Berria, 2016-04-17
«Bizitza politikoan egin duen modura, poesiaren alde erantzian dabilenean ematen ditu fruiturik dirdiratsuenak Eizagirrek».
Barrutik, Igor Estankona, Argia, 2016-07-10
«Liburu honen xarma eta ekarpen ederrena ere arrisku horretatik jaiotako fruitu debekatua da finean: haragikeriazko maitasun itzel bat maitasun erromantikoa baino askoz ederragoa, borroka klasikoa baino askoz askatzaileagoa».
Askatasunaren xuxurla, Iker Zaldua, Gara, 2016-07-16
«Presoak egindako oihua ongi entzungo dugu idazlearen ahotik eta ale bakoitzak izango du bere zarata bortitza, hitzari hitza josita gauza asko esaten baitu Eizagirrek, lastoarentzat tarte gehiegi utzi gabe».