Alde erantzira nabil
Alde erantzira nabil
2016, poesia
112 orrialde
978-84-92468-81-2
azala: Itziar Moreno Martinez
Ekhine Eizagirre
1984, Zarautz
 
 

 

URRUN

 

 

Loak hartu du,

ez dadila esnatu.

 

Minbera dut gorputza.

Zergatik ezkondu nintzen?

Mozkor usaina airean, nazka!

Irakin dezadan agudo ura.

Noan isilik.

Ez dut inbuturik beharko:

belarritik garunera zuzen,

asmatuko dut!

 

Urak bidea egingo du

zure garuneraino.

Garuna egosiko dizut,

eta orduan

zurekin batera

ahaztuko ditut

kolpeak

    mehatxuak

        bortxaketak

            irainak...

eta hamaika urteko edozein haurrek nola

amets berriak egin ahalko ditut,

zu gabe, zugandik urrun, azkenean.