Alde erantzira nabil
Alde erantzira nabil
2016, poesia
112 orrialde
978-84-92468-81-2
azala: Itziar Moreno Martinez
Ekhine Eizagirre
1984, Zarautz
 
 

 

SEGUNDO BAKOITZA

 

 

Erloju orratzen

kontrako norantzan

egingo dinagu iraultza.

Ez atzerantz, beste alderantz.

Denborak zentzurik gal ez dezan

hitzordu klandestinoak

adostuko ditinagu

amets periferikoetan.

Eta gure gorputzek bat egitean,

azalak azala ukitzean,

begiradak lapurtuko zizkionagu

segundo bakoitzari:

minutuei musuak,

orduari zentzua.

Denbora plazerez

irauliko dinagu.