Alde erantzira nabil
Alde erantzira nabil
2016, poesia
112 orrialde
978-84-92468-81-2
azala: Itziar Moreno Martinez
Ekhine Eizagirre
1984, Zarautz
 
 

 

HIREKIN

 

 

Hire azal gainean

egin nahi dinat antzerkia.

Argizaria bilakatu,

suz urtu,

hire gorputz gainera

tantaka amildu.

Plazerez lehertzeraino,

berriz jaiotzeraino.

Bero, ero...

ez din axola

erretzen bagaitun.

 

Hirekin eta hiri begira

egin nahi dinat larrutan.

Hire aho bustian

txupitoak edanez

hire zuloetan barrena

nahi dinat mozkortu.

Alkohola izerditzeraino,

behatzak erretzeraino.

Ero, bero...

ez din axola

kiskaltzen bagaitun.