Alde erantzira nabil
Alde erantzira nabil
2016, poesia
112 orrialde
978-84-92468-81-2
azala: Itziar Moreno Martinez
Ekhine Eizagirre
1984, Zarautz
 
 

 

HIRE BITSETAN

 

 

Nahi baino gutxiago ibili naun hire lurretan,

nahi baino gutxiago galdu hire erliebeetan,

azal baino paper gehiago ditinat laztandu.

Ikusi baino gehiago haut irudikatu.

Esna baino hobeto sentitu haut begiak itxita,

oroitzapen bideetan hire azalera bidaiatuz.

 

Irakurriz entzun haut,

berben arkitekturaz ezagutu.

Hire mintzoarekin urtu naun,

hire hitzekin samurtu.

Lerro idatzien artean murgildu naun

eta hauetan barrena hire sakonera heldu.

 

Hitzen edertasun larriak baina

sarritan nain ikaratu.

Neure buruari galdetzen zionat

ez ote dudan hire mintzoa

hodei bitsekin nahastu,

hiperbole baten erdian

ez ote naizen katramilatu,

fikziotik gehiago duen

idatzizketan engaiatu.