HIL BERRI DEN
AITAREN ARRASTOA
BESARKATZEKO

ilaran paratu jantokiko lau aulkiak

egiaztatu seriean egin zituztela eta

beraz denak berdin-berdinak direla

tolestu belaunak eta eseri haietako batean

ipurdia ipurdiari dagokion gunean pausatuz

errepikatu prozesua beste hiru aulkiekin

eta haietako bat laxoago dagoela sumatuta

inguruko inork ez entzuteko moduan esan

«honetan eseri zen gure aita»