ESPERIMENTU
AUTOLITIKOA
KOMUNEAN

                    Nire burua ospatzen dut

                    eta nire burua kantatzen dut

                                      Walt Whitman

kolpe bat

eman diot hatzaz

kolpetxo bat

maitakor kasik

ezkerreko barrabilari

baina nire aurka

matxinatu da gorputza

NIRE gorputza

NIRE aurka

behatzetatik begietara

eskutik eskura

zabaldu da mina

eta utzi egin diot

har nazan

erantzunik gabe

liluratuta

hain ezezagun zitzaizkidan

nire neurriez