Poesia kaiera
Poesia kaiera
Jorge de Sena
itzulpena: Rikardo Arregi
2015, poesia
64 orrialde
978-84-92468-77-5
Jorge de Sena
1919-1978
 
 

 

Zahartzaroaren arbuioa

 

Luzaro bizitzeko edo burdinazkoa da bat

edo zahar bat ikustean pentsatzen dut: zenbat jende

hil, pozoitu, zapaldu edo suntsitu zuen?

Zenbat bizitza desegin dago heriotzaren bakean

jadanik ahanzten den oroimen horretan?

Gizatxarrak gizakiak, nork ez du bizirik iraun

beste bizitzen kontura? Zenbat odol,

zenbat ontasun, zenbat xalotasun

ez zuen anker irentsi eta kurrinka,

orain zimurdura gurtuak dituenak

eta azalaren xarma hura,

zain txiki urdin arrosek zeharkatua?

Azal hori bera ere, zenbat aldiz ez zuen

harri artean larruturik utzi

biluztu eta joaten den sugearen antzera?

Edo burdinazkoa da bat. Edo kriminal zaharra,

egin zuen gaizkia bere buruari barkatu ziona

besteei biktima izatea barkatu zien bezala.

 

1971/12/18