Poesia kaiera
Poesia kaiera
Jorge de Sena
itzulpena: Rikardo Arregi
2015, poesia
64 orrialde
978-84-92468-77-5
Jorge de Sena
1919-1978
 
 

 

Biluztasunaz

 

 

Quoi! Tout nu! Dira-t-on, n'avait-il pas d'honte?

(...)

Tout es nu sur la terre, hormis l'hypocrisie.

 

MUSSET, Namouna

 

Biluzik jaio gara, biluzik

aztertzen gaitu medikuak,

armadak, soinketa irakasleak.

 

Biluzik ebakuntza mahaian,

ospitaleko ohean,

heriotzarenean.

 

Biluzik amodioan elkar ikusteko,

beste gorputzen azala sentitzeko eta,

penetratu baino gehiago,

 

penetratuaz esaten diguten

talka eta igurtzia edukitzeko.

Beti biluzik, garrantzirik ez duten gauzetan izan ezik.

 

Orduan zergatik beldurtzen ditu batzuk hainbeste

besteen biluztasunak? Beldurra

izango ote diote, askoren

itsusiari baino, batzuen

ederrari, edo bakan batzuen

atal bikainen

 

lilurari? Eta (bekaizkeriak)

paralizaturik mundua eta bizitza

jitoan aske joaten uzteari

 

askatasun biluzirantz?

 

1968-69