Poesia kaiera
Poesia kaiera
Jorge de Sena
itzulpena: Rikardo Arregi
2015, poesia
64 orrialde
978-84-92468-77-5
Jorge de Sena
1919-1978
 
 

 

Oda inoren konturako surrealismoari

 

Zer daramazu lepoan,

transkripzio korapilatsuetan bilduta gaizki begiratuta amuarrain higuingarriak eta
beste aurreiritzi batzuk?

Apaiz bat? Katu bat? Herabetasuna?

 

Zer daramazu isilik, geldi, lo bezala, garbitzeko erabiltzen duzun parpailadun xal
berdean: izerdia, esperma, gorozkiak, utzi, eskaini, saldu, bota, injektatu, deitu,
gaitzetsi, deskribatu eta abar egiten duzun guztia?

Ez entzunarena egin, eta ez duzu erantzun.

 

Beldurra diezu poliziari, alfonbrei, lanpasari, telefonoari, ateko txirrinari, besteen
arropa azpitik begira dauden kale bazterretako pertsona geldiei?

Beldurra diezu hitzei?

Beldurra diozu poemak, malkoak, ezkontzak, aldirietako orubeetan atsegin
presakakoak ateratzeari?

Beldurra diezu alderdiei, iritzi artikuluei, bankariei, trapu-biltzaileei, inflazioari,
urdaileko zein gizartearen ultzerei?

 

Zer daramazu lepoan

isilean eta xal batean bilduta?

 

Bizitza al da? Argizko iragarkiak? Etxe merkeak? Itsasoa? Anai-arrebak?
Errebindikazioak? Liburu bat?

Ez entzunarena egin, eta ez duzu erantzun.

 

Bizitza al da? Apaltzen ari den gaua? Urrutiko argiak? Keinu bat? Begirada bat?
Margolan bat? Poema liriko bat?

 

(Ezagunen bat iristean une egokian etena)

 

1948/9/24