BILDOTS HARROTUAK

                              They say immigrants steal the hubcaps

                              Of the respected gentlemen

                              They say it would be wine an' roses

                              If England were for Englishmen again

                                                  Something about England

badira Boterearen oinetara makurtzen direnak,

Jauntxoen graziarik gabeko grazien aurrean

barre faltsu eta patetikoak antzezten dituztenak,

Poliziaren edozelango kontroletan

bildotsen kortesiaz erantzuten dutenak,

inkisidore berrien eskuak musukatzen dituztenak,

lankideen gainetik eskrupulurik gabe pasatzen direnak

halako horiek guztiak,

burua hutsik, bihotza harri,

harrotu eta oldartu egiten dira gehienetan

eurek baino maila txikiagoa dutenen kontra,

katu batek sagutxoa akabatzen duen balentria berberaz

halaxe ikusiko dituzu kalean, tabernetan,

CD piratak saltzen dituen etorkinarekin tratuan,

miseria negoziatzen,

duintasunari popatik ematen,

larruazal beltzeko mutilari

euren giza miseriak ordainarazten

© Paddy Rekalde