Egutegi esperimentala
Egutegi esperimentala
1986, poesia
96 orrialde
84-398-5463-X
azala: Kaekus
Edorta Jimenez
1953, Mundaka
 
2010, poesia
2006, kronika
2003, nobela
2003, saiakera
2001, poesia
1993, nobela
1991, nobela
1990, ipuinak
1987, poesia
1986, poesia
1985, poesia
 

 

Gogoeta laburrak

 

Ezerezaren itzala,

txori imaginarioa.

 

Denbora ez doa.

Geu goaz denboran.

 

Baso hura ederra zen.

Halaxe diost

ustelbako azken enborrak.

 

Gaua diozu?

Ez iezaiozu itsuari

halakorik aipa!

 

Nori mintza hatzaio,

ixiltasun hori!

 

Bizitza,

heriotzarik luzeena.

 

Izuaren izu naiz;

hator izu hori!

 

Ez niri aterik jo, Herio,

neu bait naiz

atea bera.

 

Ixilik aurkitzen banauk

eroan nazak ixilago.

 

Gorrok aditzen ditugun kantuak

entzunezinak zuentzat,

entzumendunok!

 

Etorkizun argitsua dakust

itzalaren adarretan zintzilik.

 

Lehertu egin da nire bihotza;

taupada barik

bare doa orain odola.

 

Zerk elikatzen ote gosea?

Zeren gose ote naiz?

 

Egarri sikua naiz.

Ur sikuren batek

asetuko ote nau.

 

Begiak zabaük

ametsak ditut gogoan.

 

Ezerezera noa bakarrik;

ezereza, bakardadera.