Egutegi esperimentala
Egutegi esperimentala
1986, poesia
96 orrialde
84-398-5463-X
azala: Kaekus
Edorta Jimenez
1953, Mundaka
 
2010, poesia
2006, kronika
2003, nobela
2003, saiakera
2001, poesia
1993, nobela
1991, nobela
1990, ipuinak
1987, poesia
1986, poesia
1985, poesia
 

 

Hirugarrena

 

 

Martxa funebrea

 

ezin argiago dago gogoan

zu izan zinen gizon ospetsuak

odolez estalarazi zituela

Europa eta Afrikako

zoko bazterrak.

Denbora luzea iragan behar izango

hainbat bihotzetatik

—zeure hegalen itzala omen—

lutoa ezabatu orduko.

Ez dugu doluminik

—zeureganakorik ez behintzat—

zeure ezpataren aginpean

hildakoen oritzapenek kutsatuta,

borborka pozkarioa baina.

Zinez dut eskatzen

isuririk gabe gera dakizkiguna

betirako zakilak

eta bularretan

jariorik gabe neskatilak,

zerorrek egindakoak eta bost

burutu behar dituztenak

etorriko bait dira, laster

bapatean —egun argitan—

                                          sost!

 

 

azken gogoeta

 

Elektrarietan txorinoa.

Aurpegian, haizeak fereka.

Gorriz tindatzea erreka

Gure odolaren destinoa.

 

 

Gerratetako heroiak

 

  Hara!

hiriko sagutzar ilegorriak

gerratetako heroien laudorioz

idatzitako liburuak

irensten

 

  Begira!

neguko hotz hezeak

gerratetako heroien ohorez

eraikitako estatuak

ugertzen.

 

  Ikus!

heuretan hazitako harrak

gerratetako heroien ezpataz

hildakoen gorpuak

jaten.