Zoko guztietan nagusi,

inguruaren jabe da pilotaria,

bertsolaria, berriz,

bere buruaren menpeko.

Buruz ari da bertsolaria,

pilotaria, aldiz,

                      eskuz.

Kanpotar Arazoetarako

pilotaria da mandatari,

Barne Kontuetan, berriz,

bertsolaria alkate.

Argia behar du pilotariak,

bertsolariak, aldiz,

ilunpetan ibili beharra dauka.

Bertsolaria:

Barne-muinetako pilotaria.

Pilotaria:

Harrobietako bertsolaria.