Mina hartzeko ere
Mina hartzeko ere
2022, poesia
88 orrialde
978-84-17051-84-6
Juan Luis Zabala
1963, Azkoitia
 
2023, narrazioa
2017, narrazioak
2006, narrazioak
2000, nobela
1996, nobela
1994, ipuinak
 

 

DENA TAMAINAN

 

 

Ondo zaude.

Sustoa baino ez da izan.

Autoaren kolpea ere, txikia.

Lanean dena mendean duzu.

Kezkatzen zintuzten min arraroak

ez dira ezer, medikuak esan zizun.

Etxean ere dena ondo,

ez arazorik gabe

baina betiko martxan.

Hildakoak ere neurrian,

neurrian ahaztuak

neurrian gogoratuak.

Munduan albiste onak gutxi.

Baina ez gaude gerran ere.

Dena tamainan.

Eta adina ere, tira, azken batean,

zer nahi duzu ba,

zeurea, duzuna, dagokizuna.

Hil beharra ere egongo da,

baina oraindik ez da tokatzen.

Ondo zaude.

Baina zeure buruari

ondo zaudela esan

eta erakutsi behar izan diozu.

Gaixorik egon gabe ere,

a zer sendatzeko gogoa!

Hala izango ote da beti

hemendik aurrera?

Ondo zaude, bai.

Zeure buruari ondo zaudela

esan behar hori kenduta.