Mina hartzeko ere
Mina hartzeko ere
2022, poesia
88 orrialde
978-84-17051-84-6
Juan Luis Zabala
1963, Azkoitia
 
2023, narrazioa
2017, narrazioak
2006, narrazioak
2000, nobela
1996, nobela
1994, ipuinak
 

 

JAI EDERRA

 

 

Jai ederra daukazue

esaten diegu, adibidez,

gizartea eraldatu eta

kapitalismoa eraitsi

nahi duten gazteei,

ohartu gabe hori esanik

Eduardo Galeanok

—Fernando Birrik

esan zuena gogoratuz—

bezain zuzen ari garela

definitzen utopia,

ibiltzeko balio duen

jai ederra.

 

Bestelako utopia da nirea.

Jai ederra daukadala jakinda,

behiala izandako lekuetara

noa sarri iragan garaien bila,

eta inon izan gabekoetara

bestelako etorkizunak bizitzera.

Geografia kronografiaren

utopia da horrela niretzat;

espazioa, denboraren jai ederra.