ESAN EGITEN DUGU

Esan egiten dugu

uxatu beharreko traba

besterik ez dela,

baina beldurra

erradiazio nuklearraren antzekoa da.

Nire beldur gehiegizko guztiak

maleta batean sartu

eta itxita utziko nituzkeela

pentsatzen dut batzuetan,

haien trabarik gabe bizitzeko;

baina ezinezkoa da,

eta ahal balitz eta egingo banu

izutu egingo ninduke

maletarekin zer egin behar dudan pentsatzeak.