eta ahoskatzen zaitut

hitz bakoitzaren esanahia

interpretazio subjektibo bat da

hitzari eusten dion

eraikinaren memoria urruna

horregatik ebakitzen dut zure izena

niretzat sortu zinen lehen egunean bezain gordin

harriak sastrakak eta iltzeak

zureganako bidean irentsi

eta eztarrian pilatu zaizkidan arren

ahoskatzen zaitut

erdi bana egin ginenetik

deiadar bihurtu zara kalean

nire ahoan

ibai lehorren murmurio

isiltasunaren durundi

naturak erabaki du nigatik

inork ez du zure izena ahoskatuko

nire gorputzak baino hobeto