Parisen bizi naiz
Parisen bizi naiz
2013, poesia
144 orrialde
978-84-92468-48-5
azala: Kepa Gonzalez
Koldo Izagirre
1953, Altza-Antxo
 
2016, narrazioak
2015, nobela
2011, nobela
2010, saiakera
2009, nobela
2006, poesia
2006, kantuak
2005, narrazioak
1998, nobela
1998, kronika
1997, poesia
1996, erreportaia
1995, kronika
1989, poesia
1987, ipuinak
 

 

IRAGAN ZURBILAREN
BALADA NEGARGARRIA

 

lurmendu ezineko lur

gailurreko elur hila

aburua aspaldi zurituta

zaurituta gorririk ez:

odolik gabekoa da

gure iragan zurbila

 

zainak azaoan estu

amestu ezinean zorrotz

grina gaitzek ote helduko

epelduko duten beldurrak:

bestera da bera bare

ez bero eta ez bihotz

 

erorka lezake izi

bizi izanaren damuak

ostera ere liteke ero

odolbero bihurtzeraino:

horixe dio oroitzen

lepotik daukan mamuak

 

bere buruaren lotsa

izotza bezain beluri

ilargia baleza erre

loerre honetan behar gabe:

zirrara onik ez duen

zintzotasuna dirudi

 

perfekziora du olde

moldez ateko masailak

haren alde putzaren hurre

zuhurreratu ez ginenok:

bikaintasuna du muga

gogoan beharren sailak

 

barau lizunaren hatsa

gezurpatsaren lurruna

besterik ez moral idorrak:

zidorrak dituela bide

non datorren zurbil, zurbil

gure iragan zurruna